Qazaqstanda geologııalyq barlaýǵa ınvestıtsııalardyń kólemi 100 mlrd teńgeni qurady

NUR-SULTAN. QazAqparat – Jer qoınaýyn paıdalanýǵa arnalǵan 269 kelisimshart jasaldy. Bul týraly QR Energetıka mınıstrliginiń alqa májilisinde vedomstvo basshysy Nurlan Noǵaev aıtty, dep habarlaıdy QazAqparat tilshisi.

«Búgingi kúni jer qoınaýyn paıdalanýǵa arnalǵan 269 kelisimshart, onyń ishinde kómirsýtekter boıynsha 247 kelisimshart, ýran boıynsha 22 kelisimshart jasaldy. 2020 jyly 11 kelisimshart bekitildi.

Geologııalyq barlaý jumystaryna ınvestıtsııalardyń kólemi 100 mlrd teńgeni qurady», - dedi mınıstr.

Onyń aıtýynsha, 2020 jyldyń qorytyndysy boıynsha jer qoınaýyn paıdalanýshylardyń ǵylymı-zertteý jáne tájirıbelik-konstrýktorlyq jumystardy qarjylandyrýy 10,2 mlrd teńgeni qurady.

«2020 jyly jeltoqsanda alǵash ret elektrondyq formatta jer qoınaýyn paıdalanýǵa quqyq alý úshin aýktsıondyq saýda-sattyq ótkenin atap ótemiz. Mınıstrlik barlyq qajetti normatıvtik quqyqtyq aktilerdi qabyldady jáne júıeni iske qosý boıynsha tehnıkalyq jumystardy júrgizdi. Júıe 2020 jylǵy 1 qyrkúıekte iske qosyldy jáne ótken jyldyń 23 jeltoqsanynda somasy 61 mlrd teńgege barlaý jáne óndirý quqyǵyn berý boıynsha alǵashqy onlaın aýktsıon ótkizildi», - dedi mınıstr.