Qazaqstanda geologııalyq barlaý quqyǵyn alý rásimderi jeńildetilýde

ASTANA. QazAqparat - QR Úkimeti geologııalyq barlaý quqyǵyn alý rásimderin jeńildetýde. Bul týraly búgin elordada «Astana Mining & Metallurgy 2016» VII Halyqaralyq Taý-ken jáne metallýrgııa kongressi barysynda QR Investıtsııalar jáne damý mınıstri Áset Isekeshev málim etti.

Onyń sózine qaraǵanda, Ekonomıkalyq yntymaqtastyq jáne damý uıymynyń halyqaralyq sarapshylarymen birge «Jer qoınaýy jáne jer qoınaýyn paıdalaný týraly» kodeksti ázirleý júgizilýde. Kodekstiń negizgi maqsaty - halyqaralyq standarttarǵa kóshý.

«Bul turǵyda biz geologııalyq barlaýǵa jeńildetilgen quqyqty usyný ustanymy boıynsha batys Avstralııanyń modelin tańdadyq»,-dep toqtaldy Á. Isekeshev.

Osy oraıda bıyl qanatqaqty rejim iske qosyldy. Bul baǵytta Stepnogor monoqalasynyń aınalasyndaǵy 100 shaqyrymdy aımaq tańdaldy.

Geologııalyq barlaýdy bastaýǵa nıettiler úshin barlaý jumystaryna  kelisimshartty bekitý merzimi eki jyldan 25 kúnge deıin qysqarýda, sondaı-aq jer qoınaýynyń ýchaskeleri 2 shaqyrymǵa teń bloktarǵa bólinedi. Bıyldyń birinshi toqsanynda 25 blok boıynsha 11 kelisimshart bekitilgen kórinedi. Mınıstrdiń paıymynsha, osy qadamdar bıýdjetke qosymsha salyq túsimderin qamtamasyz etip, monoqalanyń mańynda jańa jumys oryndaryn qurady.

«Bıyldyń sońyna deıin Shyǵys Qazaqstan oblysynda, Arqalyq, Jezqazǵanda birqatar qanatqaqty jobalardy josparlap otyrmyz. ıAǵnı, biz arnaıy monoqalalarǵa, aýyldyń jerlerge kiristik. Aldaǵy úsh jylda Qazaqstanda qyzmettik kompanııalar naryǵyn eki esege arttyrýdy kózdep otyrmyz», - dedi Á. Isekeshev.