Qazaqstanda Geokeńistik aqparattyń biryńǵaı banki qurylady
Mınıstrliktiń baspasóz qyzmetinen málim etkendeı, atalmysh joba kartografııalyq jáne ózge de geokeńistik derekterdi, ınfraqurylymdyq málimetterdiń úlken aýqymyn biryńǵaı formatqa biriktiredi. Sondaı-aq Qarýly Kúshterdiń, basqa da áskerler men áskerı quralymdardyń sheshim qabyldaýyn qoldaýdyń aqparattyq júıeleriniń bazalyq tuǵyrnamasyna aınalady.
«Osylaısha, jobanyń iske asyrylýy barlyq dárejedegi komandırlerdi dáıekti jáne jedel geokeńistik aqparatpen qamtamasyz etýge, jer týraly aqparatty jınaýǵa ýaqytty qysqartý esebinen qabyldanatyn sheshimderdiń jedeldigin arttyrýǵa, sonymen qatar ony baǵalaý men áskerlerge ózekti geokeńistik derekterdi jetkizýge múmkindik beredi. Bul urystarda eleýli basymdyq bermek jáne tsıfrlyq armııa formatyna kóshý úshin qajetti jaǵdaıǵa aınalady.
Atalmysh joba aıasynda tsıfrlyq kartografııalyq derekter men aeroǵarysh túsirilimderiniń biryńǵaı formatqa konvertatsııalanǵan ıntegratsııasyna negizdelgen Geokeńistik aqparattyń biryńǵaı banki qalyptastyrylady.