Qazaqstanda geodezııa men kartografııa salasy jańa talaptarmen jumys isteıdi

NUR-SULTAN. QazAqparat – Búgin Májilistiń jalpy otyrysynda «Geodezııa, kartografııa jáne keńistiktik derekter týraly» zań jobasy men ilespe qujat birinshi oqylymda maquldandy, dep habarlaıdy QazAqparat tilshisi.

«Qoldanystaǵy geodezııa jáne kartografııa týraly zańy 2002 jyly qabyldanǵanyn atap ótý qajet. 20 jylda geodezııa men kartografııa salasynda eleýli ózgerister boldy. Tsıfrlyq tehnologııalar, spýtnık jabdyqtary óndiriske engizilip, keńinen qoldanylyp keledi. Keńistik derekteriniń dáldigine, ólsheý tıimdiligine degen talaptar ósti», - dep toqtaldy QR Tsıfrlyq damý, ınnovatsııalar jəne aeroǵarysh ónerkəsibi mınıstri Baǵdat Mýsın

Osy oraıda ol olqylyqtar men qaıshylyqtardy túzetý úshin jańa zań jobasyn qabyldaý qajet ekenin aıtty.

«Geodezııa jáne kartografııa salasynyń jaǵdaıy memlekettegi kadastr, jer men múlik qatynastarynyń sapasyna tikeleı áser etýi óte mańyzdy. Demek, árbir azamattyń múddesin qozǵaıdy. Halyqtyń kópshigini geodezııa ǵylymymen tanys emes. Biz turatyn ári jumys isteıtin ǵımarattar, júretin joldar men kópirlerdi jobalaý ári salý kezindegi qatelikterdi joıý, sondaı-aq ushaqtardyń ushýy men qonýy kezindegi kedergilerdi anyqtaý jáne basqa da salalar geodezııa ólshemderiniń dáldigine baılanysty. Zań jobalarynyń negizgi mindetteri – Qazaqstan Respýblıkasyn joǵary dáldikti geodezııa koordınattar júıesimen qamtamasyz etý jáne onyń negizinde eldiń biryńǵaı tsıfrlyq kartografııa negizin qurý», - dedi mınıstr.

Onyń aıtýynsha, qazirgi kezde elimizde keńestik kezeńnen qalǵan 1942 jylǵy SK-42 memlekettik koordınatalar júıesi ornatylǵan. Bul júıe qazirgi zamannyń talaptaryna saı emes, ábden eskirgen, derekterdiń dáldigi men tıimdiligi tómen.

Qazaqstanda biryńǵaı memlekettik koordınattar júıesi joq,. Máselen, bir eldi mekenniń ártúrli birneshe koordınattar júıesi bolýy yqtımal.

Zań jobasynda qarastyrylǵan jańashyldyqtardyń biri – Ulttyq keńistik derekteri ınfraqurylymyn (UKDI) engizý. ıAǵnı aqparattar dál, jedel jáne ózekti bolýy úshin keńistik derekteri bir platformada biryńǵaı formatta jáne biryńǵaı talaptarǵa saı qurylatyn bolady.

Negizgi Zańnyń jobasy júzege assa, jer qatynastary, sáýlet, qurylys, jer qoınaýyn paıdalaný men qorshaǵan ortany qorǵaý, geologııa, turǵyn úı-kommýnaldyq jáne aýyl sharýashylyǵy salasynda kórsetiletin qyzmetterdiń jyldamdyǵy men sapasy, memlekettik baqylaýdyń tıimdiligi men jedeldigi artyp, sondaı-aq adal básekelestikke jol ashylady.

Munymen qosa, ilespe zań jobasynda Jer kodeksine, sondaı-aq «QR Ulttyq qaýipsizdigi týraly», «Memlekettik shekarasy týraly» jáne «Ruqsattar men habarlamalar týraly» zańdarǵa ózgerister men tolyqtyrýlar engizý qarastyrylǵan.