Qazaqstanda Ǵarysh kúni atap ótiledi
«12 sáýirde halyqaralyq qaýymdastyq Halyqaralyq ǵarysh kúnin atap ótedi. Ózderińizge belgili, bizdiń elimizde birqatar ǵaryshtyq baǵdarlamalar iske asyrylýda, Qazaqstan aýmaǵynda dúnıejúzine tanymal «Baıqońyr» ǵarysh aılaǵy ornalasqan. Osyǵan oraı 10-11 sáýirde Jerdi qashyqtyqtan zertteýdiń alǵashqy qazaqstandyq serigin aldaǵy ýaqytta iske qosýǵa arnalǵan «Qazaqstandaǵy Ǵarysh kúni» atty halyqaralyq semınar ótedi», - dedi búgin ótken brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev.
Semınardy Qazaqstan Respýblıkasynyń Ulttyq ǵarysh agenttigi, Eýropalyq EADS kontserniniń qurylymdyq Astrium frantsýz kompanııasy jáne «Qazaqstan Ǵarysh Sapary» Ulttyq kompanııasy» aktsıonerlik qoǵamy uıymdastyryp otyr.