Qazaqstanda ǵalymdar qansha jalaqy alady

<p>ASTANA. KAZINFORM — Jibek Joly telearnasynyń JJ Talk baǵdarlamasy efırinde otandyq ǵylymnyń ekonomıkaǵa paıdasy talqylandy. Sondaı-aq ǵalymdardyń sany men jalaqysy sóz boldy.</p>

«Elimizde 22 myńdaı ǵalym bar. Endi sol kórsetkishti jas ǵalymdardyń arqasynda 30 myńǵa jetkizýdi kózdep otyrmyz. Osy oraıda jylyna 5 PhD doktoryna oryn bólmekshimiz. Bizde ıdeıa kóp, qarajat ta bólinip jatyr. Qarajat bólinbegen kezder boldy, keı ujymdar sonyń saldarynan saqtalmaı qaldy. Aıta ketetin jaıt, ǵylymǵa qarajat bólgenimen onyń áseri birden bolmaıdy. Ol úshin birneshe jyl kerek. Buǵan deıingi zań tek ǵylym týraly boldy, endi tehnologııalyq saıasatty engizip jatyrmyz. Ol degenimiz — ǵylymı jańalyqty óndiriske engizý», - dedi Ǵylym jáne joǵary bilim vıtse-mınıstri Darhan Ahmed-Zákı.

Odan bólek, telebaǵdarlama efırinde jas ǵalymdardyń qansha jalaqy alatyny aıtyldy.

«Bizge mınıstrlik qoldaý kórsetedi. Sonyń arqasynda ǵalymdardyń jalaqysy 2 mln teńgege deıin jetti. Meniń aılyǵym — 2 mln 300 myń teńge. Al ǵylymǵa endi kelgen jas ǵalymdardyń aılyǵy 300 myń teńgeden bastalady. Odan bólek, turǵyn úımen qamtý jaǵy bar, taıaýda bizdiń ınstıtýttyń 4 qyzmetkeri baspanaly boldy», - deıdi Metallýrgııa jáne ken baıytý ınstıtýtynyń bas dırektory, akademık Baqdáýlet Kenjeǵalıev.

Buǵan deıin Ǵylym jáne joǵary bilim vıtse-mınıstri Darhan Ahmed-Zákı «elimizdegi ǵylymı ınstıtýttardy jabý kerek pe?» degen saýalǵa jaýap bergen edi.