Qazaqstanda feık avtoónerkásip degen áńgimeni doǵarý kerek - Sklıar

NUR-SULTAN. QazAqparat – Qazaqstanda feık avtoónerkásip degen áńgimeni doǵarý kerek. Bul týraly QR Premer-Mınıstriniń birinshi orynbasary Roman Sklıar málim etti, dep habarlaıdy, QazAqparat tilshisi.

«Mólsherleme 50 paıyzǵa tómendeıtin bolady. Aldaǵy ýaqytta munan ary da tómendetý qajet pe nemese arttyrý qajet pe degen máseleni qarastyratyn bolamyz. Biraq, qazir osyndaı sheshim qabyldanyp otyr. Sondyqtan bizde feık avtoónerkásip, feık aýyl sharýashylyǵy mashıasyn jasaý deıtin barlyq sózdi doǵarý qajettigine túbegeıli senimdimin. Qandaı da bir erekshe pikir men burmaý, qoǵamdyq pikirdi burmalaýǵa tyrysý bar ekendigine qaramastan otandyq ónerkásipti damytý jumysyn jalǵastyra beremiz. Ózimizdiń ónerkisipti damytýǵa jáne elimizdiń, ekonomıkamyzdyń ıgiligi úshin jumys isteýge nıettimiz», - dedi Roman Sklıar «Habar-24» telearnasyndaǵy «Suhbat» baǵdarlamasy barysynda.