Qazaqstanda farmatsevtıka ónerkásibinde óndiris kólemi 40 paıyzǵa artty

NUR-SULTAN. QazAqparat – Indýstrııa jáne ınfraqurylymdyq damý mınıstri Beıbit Atamqulov qandaı salalarda ekonomıkalyq ósim kórsetkishi baryn aıtyp berdi, dep habarlaıdy QazAqparat tilshisi.

«Jańa jaǵdaıǵa beıimdelip, jańa óndiristerdi jolǵa qoıý arqyly farmatsevtıka ónerkásibinde óndiris kólemi 39,7 paıyzǵa artty. Jeńil ónerkásipte óndiris 16,4 paıyzǵa ósti. Ol toqyma buıymdary óndirisiniń 4,4 paıyzǵa, kıimniń 1,4 paıyzǵa jáne bylǵary ónimderdiń 160,3 paıyzǵa ulǵaıýyna baılanysty bolyp otyr», - dedi Beıbit Atamqulov Úkimet otyrysynda.

Sondaı-aq, Qazaqstanda qaǵaz jáne qaǵaz ónimderi óndiris kóleminiń ósimi 15 paıyzdy quraǵan. Al aǵash jáne tyǵyn buıymdarynyń óndiris kólemi 52,6 paıyzǵa artqan.

«Mashına jasaý salasynda bıyl 10 aıda turaqty ósim saqtaldy. 10 aıdyń ishinde salanyń naqty kólem ındeksi 116,5 paıyzdy qurady. Avtokólik quraldary, treılerler jáne jartylaı tirkemeler 53,6 paıyzǵa, ózge kólik quraldaryn jasaý 87 paıyzǵa, elektr jabdyqtaryn jasaý 3,0 paıyzǵa, mashınalar men jabdyqtar óndirisi 4,3 paıyzǵa ósti», - dedi ol.