Qazaqstanda farmatsevtıka ónerkásibin damytýdyń jol kartasy jasalady
«Farmatsevtıka jáne hımııa ónerkásibi boıynsha 2021-2025 jyldarǵa arnalǵan damý jol kartalary bekitiledi. Budan basqa, farmatsevtıkalyq kásiporyndardyń klınıkalyq jáne klınıkaǵa deıingi synaqtar júrgizýge, sondaı-aq GMP standarttaryn engizýge arnalǵan shyǵystaryn sýbsıdııalaý máselesin pysyqtaýdy josparlap otyrmyz. Bul EAEO naryǵynda dárilik zattardy tirkeý boıynsha otandyq kásiporyndardyń básekege qabilettiligin aıtarlyqtaı arttyrady», - dedi Beıbit Atamqulov Senatta ótip jatqan «QR ónerkásiptik saıasatty zańnamalyq retteý: jaı-kúıi, problemalary jáne sheshý joldary» taqyrybyndaǵy Úkimet saǵatynda.
Sondaı-aq, elde dárilik zattardyń qunyn tómendetý maqsatynda birqatar ımporttalatyn sýbstantsııalar men shıkizatqa kedendik bajdardy tómendetý máselesin pysyqtalmaq.