Qazaqstanda farmatsevtıka óndirisiniń kólemi 3 esege ulǵaıdy

ASTANA. 24 naýryz. QazAqparat - Údemeli ındýstrııalyq-ınnovatsııalyq damý baǵdarlamasy iske asyryla bastaǵaly beri farmatsevtıka óndirisiniń kólemi 3 esege derlik ósti, dep habarlady QR Prezıdenti janyndaǵy Ortalyq kommýnıkatsııalar qyzmeti Indýstrııa jáne jańa tehnologııalar mınıstrliginiń baspasóz qyzmetine silteme jasap.

Barshaǵa aıan, farmatsevtıka salasy ÚIID baǵdarlamasynyń aıasyndaǵy basymdyqty baǵyttardyń biri retinde anyqtalǵan. Baǵdarlamanyń nysandy ındıkatoryna sáıkes 2014 jyly ishki naryq otandyq óndirýshilerdiń esebinen dárilik zattarmen 50% qamtamasyz etiletin bolady.

«Bul ındıkator 2011 jyly 49% boldy. Al byltyr dárilik zattar óndirisiniń kólemi 29,4 mlrd. teńgeni qurady, bul 2008 jylǵy kórsetkishten (10,2 mlrd. teńge) 3 esege kóp», - dep habarlady vedomstvonyń baspasóz qyzmeti.

Biryńǵaı dıstrıbıýterdiń satyp alý kórsetkishiniń qurylymyndaǵy otandyq óndirýshilerdiń úlesi 67% qurady. Atap aıtqanda, byltyr 93 qazaqstandyq kásiporynnyń óz ónimderin syrtqy naryqqa shyǵarýymen baılanysty shyǵyndary óteldi. Ótemniń jalpy somasy- 291,2 mln. teńge. Onyń ishinde, «Nobel AFF», «Hımfarm», «DOSFARM», «Medoptık» syndy tórt kásiporynnyń 9,4 mln. teńge soma shyǵyndary qaıtaryldy.

2010 -2012 jyldary salada 16 ınvestıtsııalyq jobanyń iske asyrylǵanyn aıta ketý kerek. Al 2013-2015 jyldarǵa taǵy 14 jobany iske asyrý josparlanyp otyr.