Qazaqstanda etti mal sharýashylyǵyn damytýdyń jańa tujyrymdamasy ázirlenýde - I.Saýer

ASTANA. QazAqparat - Qazaqstanda etti mal sharýashylyǵyn damytýdyń jańa tujyrymdamasy ázirlenýde. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «Qazaqstannyń et-sút odaǵy» ZTU tóraǵasy Ivan Saýer aıtty.

«Naqty tapsyrma berildi. Qazirgi ýaqytta Ulttyq kásipkerler palatasy Úkimetpen birlesip, jańa usynystar ázirleýmen aınalysyp jatyr. Sýbsıdııalaý tetikteriniń ózine ózgertýler engizý qajet. Óıtkeni, salada irkilis baıqalady. Kóp jumystar atqaryldy. Biraq biz qandaı da bir kezeńde toqyrap qaldyq jáne ony taıaý aralyqtyń ishinde qaıta qaraýymyz qajet», - dedi ol.

I.Saýerdiń atap ótýinshe, osy aıdyń ishinde Qazaqstandaǵy etti mal sharýashylyǵyn damytýdyń jańa tujyrymdasy jarııa etiletin bolady.

«Menińshe, bul tujyrymdama tamyz aıynda jarııalanady. Bul 2-3 jyldyń ishinde ónim óndirisinde ahýaldyń túbegeıli ózgerýine múmkindik beredi», - dedi odaq basshysy.