Qazaqstanda «et» klasteri qurylady - QazAgro
ol ónim berýshiler men etti qaıta óńdeýshi kásiporyndardyń resýrstaryn biriktirýdi qarastyrmaq, dep habarlady búgin Ortalyq kommýnıkatsııalar qyzmetiniń baspasóz máslıhatynda «QazAgro» UBH» AQ-nyń basqarýshy dırektory Anas Baqqojaev.
«QazAgro» holdıngi aǵymdaǵy jyly memlekettik-jeke menshiktik seriktestik negizinde et klasterin qurý boıynsha jobany júzege asyrýdy bastady. Onyń negizgi maqsaty - jobaǵa múddeli qatysýshylardyń báriniń resýrstaryn biriktirý jáne qazaqstandyq etti eksportqa shyǵarý jáne satý kezinde transaktsııalyq shyǵyndy tómendetý», - dedi A.Baqqojaev.
Sonymen qatar, ol konsortsıým jumysynyń tetigi sharýashylyq-ónim berýshilermen forvardtyq kelisim jasaý mindetti talaptarymen etti qaıta óńdeý kásiporyndaryn jáne jańa mal jemdeıtin alańdardy uzaq merzimdi qarjylandyrý ekenin atap ótti.
«Osylaısha, satyp alý baǵasy kelisiledi, al mal jemdeıtin alańdar men et kombınattary sharýalardy avanstaıdy. Ulttyq holdıngtiń basqarýshy dırektorynyń málimetinshe, aǵymdaǵy jyly klasterdi qurý arqyly 500 tonna kóleminde joǵary sapaly sıyr etiniń birinshi partııasyn júzege asyrý qamtamasyz etiledi», - delingen habarlamada.