Qazaqstanda et qymbattaı ma – mınıstrdiń jaýaby

<p>Aýyl sharýashylyǵy mınıstri Aıdarbek Saparov elimizdegi et baǵasyna qatysty túsinik berdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Qazir elimizde et baǵasy turaqty deńgeıde, ıaǵnı 2,5 myń teńgeden asqan joq. Bul turǵyda osy baǵadan aspaıdy dep oılaımyz. Óıtkeni bizde maldy tirideı shetke shyǵarýǵa shekteý qoıyldy. Qosymsha kıiktiń eti et kombınattary arqyly satylyp jatyr. Bul jaǵdaı da birshama áserin beredi», - dedi A. Saparov Senatta agrarlyq ǵylymdy damytý taqyrybyna arnalǵan Úkimet saǵatynan keıin tilshiler suraǵyna jaýap bere otyryp.

Osy oraıda mınıstr Qostanaı oblysynda kıik etinen konservi shyǵaryla bastaǵanyn eske saldy.

Atap aıtqanda, Aqmola oblysy Qorǵaljyn aýdanynyń Sabyndy aýylyndaǵy et kombınaty – «Ohotzooprom» mekemesiniń qyzmetkerleri atqan kıik etin turǵyndarǵa satatyn jeti orynnyń biri. Kazinform agenttiginiń tilshisi Astana qalasynan 70 shaqyrym jerdegi nysanǵa baryp, kıik eti qalaı satylyp jatqanyn kórip qaıtqan edi.