Qazaqstanda eskirgen 6 myń tonnadan astam pestıtsıd bar

<p>ALMATY. KAZINFORM &ndash; Bul týraly Almatyda ótip jatqan Ortalyq Azııa elderinde jasyl aýyl sharýashylyǵyn damytý úshin lastanǵan aýylsharýashylyq topyraǵynyń bıo jáne fıtoremedıatsııalyq tehnologııalary boıynsha halyqaralyq konferentsııa barysynda QR Ekologııa jáne tabıǵı resýrstar mınıstrliginiń ókili málim etti.</p>

Ortalyq Azııa elderindegi aýyl sharýashylyǵy jerleriniń lastaný problemalaryn sheshýge arnalǵan halyqaralyq konferentsııaǵa ártúrli elderdiń sarapshylary, BUU azyq-túlik jáne aýyl sharýashylyǵy uıymynyń (FAO) halyqaralyq keńesshileri, ǵylymı-zertteý ınstıtýttarynyń ǵalymdary, tıisti memlekettik organdardyń jáne azamattyq qoǵamdastyqtyń ókilderi qatysyp jatyr.

Mamandar aımaqtaǵy aýylsharýashylyq topyraqtaryn qalpyna keltirý sheshimderin ilgeriletetin Ortalyq Azııa elderiniń jumys tobyn qurý, bıo-fıtoremedıatsııa jáne ekologııalyny odan ári damytý boıynsha birqatar máseleni kóterdi. 
Shara barysynda QR Ekologııa jáne tabıǵı resýrstar mınıstrliginiń qaldyqtardy basqarý departamentiniń óndiristik qaldyqtar basqarmasynyń bastyǵy Ásel Qasenova eskirgen pestıtsıdter týraly aıtty.

«Biz elde eskirgen pestıtsıdterge ulttyq túgendeý júrgizildi. Sonyń nátıjıesinde Qazaqstanda eskirgen 6 myń tonndan astam pestıtsıd bar ekeni anyqtaldy. Bul pestıtsıdterdiń qaı óńirge tıesili týraly qajetti analıtıkalyq esep daıyndalyp jatyr. Sondaı-aq onyń sapasy zerthanalarda tekseriletin bolady», - dedi Ásel Qasenova.

Aıtýynsha, anyqtalǵan eskirgen pestıtsıdter joıylady. Sonymen qatar, topyraqtaǵy zııandy qaldyqtardy shyǵarýda nazardan tys qalmaıdy. Bul jumystarǵa qarajat mınıstrlik nemese jergilikti ákimdik bıýdjetinen bólinedi.