Qazaqstanda eski avtomobılderdi satyp alý ýaqytsha toqtatyldy

ASTANA. QazAqparat - Qazaqstanda aqshalaı ótemaqy tóleýdi qarastyratyn eski avtomobılderdi qabyldaý ýaqytsha toqtatyldy, dep habarlaıdy «QazAqparat» HAA tilshisi.

«Atalmysh shara - QR Energetıka mınıstrliginiń 2017 jylǵa bólgen kvotasynyń merziminen buryn ıgerilýine baılanysty. Qazirgi tańda «Operator ROP» JShS eski avtomobılderdi satyp alý baǵdarlamasy boıynsha qosymsha kvotany kelisýdi kútip otyr, «Operator ROP»tıisti ótinimdi  QR Energetıka mınıstrligine joldady», - delingen resmı saıtta.

Sondaı-aq kompanııada atap ótkendeı, Qoldanystan shyqqan kólik quraldaryn kádege jaratý baǵdarlamasy boıynsha jeńil, jolaýshylar jáne júk kólikterin 650 myń teńgege deıingi jeńildik sertıfıkatyna almastyrý jalǵasýda. Tolyq aqparatty 8 800 080 0865 nómiri arqyly nemese  auto.recycle.kz saıtynan alýǵa bolady.