Qazaqstanda esirtki zattaryn taratqandar jazadan qutyldy

ASTANA. QazAqparat - Qazaqstannyń quqyq qorǵaý organdary psıhoaktıvti zattardy taratqandardy jazalaı alǵan joq. Bul týraly búgin Ədilet mınıstrliginiń vedomstvoaralyq komıssııa otyrysynda Іshki ister mınıstriniń orynbasary Rashıd Jaqypov məlim etti, dep habarlaıdy QazAqparat.

Ədilet mınıstrliginiń baspasóz qyzmeti habarlaǵandaı, 2015 jyldyń qańtarynda Batys Qazaqstan oblysynda esirtki zattary men psıhotropty zattardyń tizimine enbegen 11 gramm salmaqtaǵy quramynda AV- RINACA-CHM sıntetıkalyq kannabınoıd bar zat tərkilengen.

2015 jyldyń mamyrynda Almaty qalasynda 7 gramm salmaqtaǵy psıhotropty zat tərizdi α-pırrolıdınovalerofenon tərkilengen. 2016 jyly osyndaı jeti fakt anyqtalyp otyr.

"Ustalǵan azamattar zań aktileri naqty bekitip bergen esirtki zattary tərizdi ónimderdiń naqty tizimi joq bolǵandyqtan, jazadan qutyldy. Sondyqtan, Іshki ister mınıstrligi "Qazaqstan Respýblıkasynyń keıbir zańnamalyq aktilerine esirtki, psıhotropty zattar men solardyń balamasy sııaqty zattardy baqylaýǵa alý məseleleri jóninde ózgertýler men tolyqtyrýlar engizý  týraly" zań jobasyn əzirledi. Osy zań arqyly jańadan shyqqan psıhotropty zattardy satqandardy jazalaýǵa bolady", - deıdi Rashıd Jaqypov.