Qazaqstanda esirtki qylmysy 5 paıyzǵa tómendedi
Finprom.kz portalynyń málimetinshe, mundaı quqyq buzýshylyqtyń 69,7 paıyzy nemese 1,5 myń oqıǵasy esirtki zattarynyń zańsyz aınalymyna, ıaǵnı satýǵa qatysty emes. Bul bir jyl burynǵy kórsetkishten 6,4 paıyzǵa tómen. Al 502 jaǵdaıda eskirtkini satý faktisi anyqtaldy.
Atalǵan quqyqbuzýshylyqtardy anyqtaý kezinde 160 kólik quraly, 5,2 myń qarý, 11 jalǵan qujat, sonymen qatar jalpy somasy 532,8 mln teńgeni quraıtyn, múlik, qarajat jáne qundy zattar tárkilendi. 11 qara sora alqaby, 1 apıynnyń kóknár alqaby jáne 1 jabaıy qara sora egilgen jer anyqtalyp, joıyldy.
Óńirler arasynda esirtki, psıhotropty nemese ýly zattardyń, olardyń balamalary men prekýrsorlarynyń zańsyz aınalymymen baılanysty qylmystardyń basym bóligi Astana qalasynda tirkelgen. Elordada osy jyldyń úsh aıynda 277 oqıǵa tirkeldi. Bul bir jyl burynǵydan 52,2 paıyzǵa kóp. Ekinshi jáne úshinshi oryndarda Almaty qalasy (246 oqıǵa) men Jambyl oblysy (147 oqıǵa) tur.
Bıyl 1-toqsanda esirtki, psıhotropty nemese ýly zattardyń, olardyń balamalary men prekýrsorlarynyń zańsyz aınalymymen baılanysty qylmystyq quqyqbuzýshylyq jasaǵany úshn 1,1 myń adam ustaldy. Olardyń 91-i buǵan deıin qylmys jasasa, beseýi kámelettik jasqa tolmaǵan, al 52-si – áıel.
Jyl basynan beri esirtki qurylymynyń 67 qatysýshysy tutqyndaldy. Zańsyz aınalymnan 483,2 keli psıhotropty zattar, 11 keli geroın, 32,8 keli apıyn, 63,7 keli gashısh, 41,6 keli marıhana, 17 tonnadan astam kóknár shıkizaty, 22 tonnadan astam hımııalyq reagentter alyndy.
Ulttyq qaýipsizdik komıtetiniń málimetinshe, jyldyń basynan beri arnaýly qyzmetter esirtki qylmysyna qarsy 47 operatsııa júrgizdi. Onyń ishinde Reseı, Qyrǵyzstan jáne Avstralııanyń quziretti organdarymen birlesken operatsııalar bar. 8 halyqaralyq, 14 óńirlik esirtki trafıki kanaly, 8 óte iri esirtki zerthanasy joıyldy.