Qazaqstanda Ermıtaj fılıaly ashylady
13:08, 25 Tamyz 2014
ASTANA. QazAqparat - Qazaqstanda Reseı memlekettik Ermıtajynyń fılıaly ashylady. Bul týraly búgin Astanada QR Tuńǵysh Prezıdentiniń murajaıynyń 10 jyldyǵyna arnalǵan dóńgelek ústelde QR Mádenıet jáne sport mınıstri Arystanbek Muhamedıuly málim etti.
«Jaqynda ǵana Memleket Basshysynyń tapsyrmasy boıynsha Mádenıet jáne sport mınıstrligi mádenıet saıasatynyń tujyrymdamasyn jasaqtady. Onda basty nazar murajaı isiniń damýyna da bólingen. Shynynda, biz murajaılardyń ǵylymı-zertteý jumystardyń ortalyqtaryna aınalǵandaryn qalaımyz», - dep atap ótti mınıstr.
Onyń aıtýynsha, osy tusta halyqaralyq tájirıbeler kóptep qoldanylatyn bolady. Sondaılardyń biri - Reseıdiń memlekettik Ermıtajy.
«Reseıdiń memlekettik Ermıtajynyń róli men mańyzyna toqtalǵym keledi. Sebebi ol murajaı isiniń úzdik álemdik úlgisi. 7 jeltoqsanda ol óziniń 250 jyldyǵyn atap ótpek. Biz de Qazaqstanda Reseı memlekettik Ermıtajy fılıalynyń ashylýy jóninde másele qarastyrylýda», - dedi A.Muhamedıuly.