Qazaqstanda Erlik kúni atap ótiledi
12:48, 03 Sáýir 2017
ASTANA. QazAqparat - 7 sáýirde Qazaqstanda Erlik kúnin atap ótý boıynsha birqatar sharalar ótedi. Bul týraly búgin Ortalyq kommýnıkatsııalar qyzmetiniń resmı ókili Murat Jumanbaı málim etti.
"1995 jyly Tájik-Aýǵan shekarasynda erlikpen qaza tapqan QR Іshki áskeriniń 17 jaýyngerin eske alý maqsatynda QR Ulttyq Ulany 7 sáýir kúnin Erlik kúni dep jarııalaǵan bolatyn. Osy kúni QR Ulttyq Ulanynyń bólimsheleri ornalasqan aımaqtarda ardagerler, áskerı mindetin óteýshiler Otan aldynda boryshyn oryndaý barysynda qaza tapqan jaýyngerlerge qurmet kórsetedi", - dedi ol.
Sonymen qatar Astanada Otan qorǵaýshylar monýmentinde Іshki ister mınıstrligi basshylyǵynyń jáne QR Ulttyq Ulanynyń basshylyǵynyń qatysýymen saltanatty shara ótetin bolady. 7 sáýirde Astanada "QR Qorǵanys mınıstrligi Qazaqstan Respýblıkasyna qyzmet etemin!" atty áskerge saltanatty shyǵaryp salý rásimin ótkizýdi josparlap otyr.