Qazaqstanda er adamdarǵa qaraǵanda áıelder óz ómirine onsha rıza emes - saýalnama

ASTANA. QazAqparat - 2023 jyldyń naýryz aıynda júrgizilgen zertteý qorytyndysy boıynsha respondentterdiń 41,8% óz ómirine qanaǵattanady, bul rette olardyń úlesi aýyldyq jerlerde – 46,5% (qalada – 39,6%). Óz ómirine qanaǵattanatyn er adam úlesi – 45,4%, áıelder – 39,5%, dep habarlaıdy QazAqparat ulttyq statbıýroǵa silteme jasap.

2022 jylǵy osy tektes zertteýmen salystyrǵanda respondentterdiń ómirine qanaǵattaný deńgeıi 0,5 p. t. ósti (2022 jyly – 41,3%).

Al 2021 jylǵa qaraǵanda 19,5 p. t. tómen (2021 jyly – 61,3%).

- densaýlyǵyna qanaǵattanǵandar – 47,6%

- ishinara qanaǵattanǵandar – 49,3%

- jedel járdem qyzmetiniń sapasyna qanaǵattanǵandar – 56,1%

- qarjylyq jaǵdaıyna qanaǵattanǵandar – 34%

Materıaldyq qamtamasyz etý deńgeıi (dáýleti) boıynsha ózderin kelesi topqa jatqyzatyndar:

- ortasha deńgeıge – 72,2%

- tómen deńgeıge – 0,3%

- joǵary deńgeıge – 1%.

Úı sharýashylyqtarynyń dáýleti jaǵynan tómen ne ortasha deńgeıden tómen bolýynyń negizgi sebepteri: tómen eńbekaqy – 92,7% jáne tómen zeınetaqy – 1,4%.

Jumys isteıtin halyqtyń jumyspen qamtylý mártebesine baılanysty: 94,4% - negizgi sebep tómen jalaqy dep atap ótti, al jumyssyzdardyń negizgi sebebi, tıisinshe, jumystyń bolmaýy - 78,5%.