Qazaqstanda energııa berýshi uıymdardyń sany 149-dan 39-ǵa qysqartylady

NUR-SULTAN. QazAqparat - Qazaqstanda energııa berýshi uıymdardyń sany 39 sýbektige qysqartylady. Bul jaıynda Májilis depýtattarynyń saýalyna oraı QR Premer-Mınıstri Asqar Mamınniń bergen jaýabynda aıtylǵan, dep habarlaıdy QazAqparat tilshisi.

«100 naqty qadam» Ult josparynyń 51-qadamyn oryndaý aıasynda Úkimet energııa berýshi uıymdardy irilendirý boıynsha sharalar ázirledi. Energııa berýshi uıymdarǵa qoıylatyn talaptardyń nátıjesinde olardyń sany 2023 jylǵa qaraı 149-dan 39 sýbektige deıin qysqaratyndyǵy kútiledi», - dedi Úkimet basshysy.

Aıta keteıik, Májilistegi «Aq jol» partııasy franktsııasynyń depýtattary atynan joldanǵan saýalda tutynýshylar úshin elektr energııasyna arnalǵan tarıfterdi tómendetý maqsatynda energııa berýshi uıymdardy irilendirý boıynsha naqty sharalar ázirleý usynylǵan bolatyn.

Esterińizge sala ketsek, «100 naqty qadam» Ult josparynyń 51-qadamynda óńirlik energetıkalyq kompanııalardy irilendirý energııamen qamtamasyz etýdiń senimdiligin arttyratyndyǵy, óńirlerge elektr energııasyn taratýdyń shyǵynyn tómendetetindigi, tutynýshylar úshin elektr energııasynyń aqysyn azaıtatyndyǵy aıtylǵan.