Qazaqstanda energetıkterdiń jalaqysy jyl saıyn 15% ósip otyrady

<p>ASTANA. KAZINFORM — Bul týraly Energetıka mınıstri Almasadam Sátqalıev jumysshy mamandyqtardyń róli men bedelin arttyrý úshin salada qandaı sharalar qolǵa alynǵanyn aıtyp berdi.</p>

— 2025 jyldan bastap energııa óndirýshi kásiporyndarda óndiristik qyzmetkerlerdiń jalaqysyn jyl saıyn 15 paıyzǵa ósirý josparlanýda. Otyn-energetıka kesheni salalyq kásipodaqtarynyń jumysyn jandandyrý, jumyskerlerdiń biliktiligin arttyrý, eńbek jaǵdaılaryn jaqsartý, laıyqty eńbekaqyny qamtamasyz etý máseleleri jónindegi Salalyq kelisimderdi jańartý da kózdelgen, — dedi mınıstr Úkimettiń búgingi otyrysynda.

Onyń aıtýynsha, «Úzdik maman» kásibı sheberlik baıqaýyn jáne KMG World Skills ulttyq chempıonatyn ótkizý, «Eńbek joly» respýblıkalyq baıqaýyna qatysý josparlanyp otyr.

Oǵan qosa, Munaı jáne gaz salasy qyzmetkerleri kúni, Energetıka qyzmetkerleri kúni, Atom ónerkásibi qyzmetkerleri kúni, Burǵylaýshylar kúni atalyp ótedi.

Sonymen birge, jumysshy mamandyqtardyń ımıdjdik-aqparattyq rolıkterin, beınesuhbattar men beınerolıkter túsirý, ashyq esik kúnderin ótkizý jáne jastarǵa arnalǵan tehnıkalyq mamandyqtardy tanymal etý úshin kásiptik baǵdarlamalar júrgiziledi.

Buǵan deıin habarlaǵanymyzdaı, jumysshy kadrlarǵa arnalǵan ıpotekalyq baǵdarlama iske qosý tapsyryldy.