Qazaqstanda energetıka salasyn damytý úshin jyl saıyn 6 myńnan astam maman qajet - V. Shkolnık

ASTANA. QazAqparat -Qazaqstannyń energetıka salasyn damytý úshin jyl saıyn 6 myńnan astam maman qajet. Búgin Májiliste ótip jatqan Úkimet saǵatynda Energetıka mınıstri Vladımır Shkolnık málim etti.

Vedomstvo basshysynyń sózine qaraǵanda, búgingi kúni elektr energetıkasy salasynda 114 myńnan astam adam jumys isteıdi. Sonyń ishinde energııa óndiretin, energııa beretin jáne energııamen qamtamasyz etetin uıymdarda 70 myńnan astam adam qyzmet etedi. «Al energetıka salasyndaǵy servıstik qyzmette 30 myńnan jumys isteıdi. Budan bólek, energetıka salasynda jumysty uıymdastyrý úshin jyl saıynǵy qajettilik 6,5 myń adamdy quraıdy. ıAǵnı, jyl saıyn energetıka salasyndaǵy jumysty senimdi qamtamsyz etý úshin jáne salany damytý úshin 6,5 myń maman osy salaǵa barýy kerek», - dedi mınıstr V. Shkolnık.