Qazaqstanda endi rektorlar jyldar boıy jyly ornynda otyra almaıdy

<p>ASTANA. KAZINFORM &ndash; Elimizde rektorlardyń qyzmet merzimine qatysty ózgeris bolady. Bul týraly QR Ǵylym jáne joǵary bilim mınıstri Saıasat Nurbek aıtty.</p>

Búgin Parlament Májilisinde ótken baspasóz máslıhatynda tilshiler mınıstrden keıbir joǵary oqý oryndarynyń rektorlary tym uzaq merzim basqaryp kele jatqany týraly suraq qoıdy. 

«Máselen, Erlan Sydyqovtyń Eýrazııa ulttyq ýnıversıtetine rektor bolǵanyna bıyl 13 tolady eken. Bul merzim tym uzaq emes pe?» dep surady tilshi.

Óz kezeginde S. Nurbek endi rektorlarly taǵaıyndaý qaǵıdaty ózgeretinin aıtty.

«Jalpy, bizdegi ulttyq ýnıversıtetter rektorlarynyń merzimin úsh jylǵa bazalyq kelisimshart boıynsha uzartý múmkindigi bar. Shyn máninde, 13 jyl merzim — uzaq. Sondyqtan qazir rektorlardy taǵaıyndaý erejelerin pysyqtap jatyrmyz. 14-15 naýryzda arnaıy respýblıkalyq komıssııanyń otyrysy ótedi. Sol jerde jańa qaǵıdattar qabyldanbaq», — dedi S. Nurbek.

Bul turǵyda ol rektorlardyń qyzmetin eki merzimnen artyq uzartpaý usynysy bekitiletinin aıtty.

«Keıingi 10 jylda mınıstrlik arnaıy akademııalyq avtonomııa prıntsıpterine kóship jatyr. Burynǵydaı mınıstrdiń tikeleı rektordy taǵaıyndap, ony ústinen baqylap otyrýy prıntsıpterinen bas tarttyq. Qazir sheteldik formatqa kóship jatyrmyz. Endi rektorlarmen dırektorlar keńesi nemese qamqorshy keńesi arqyly jumys isteımiz», — dedi mınıstr.