Qazaqstanda eńbek naryǵyna qaıta daıarlaý «fabrıkalary» iske qosylady
Qazirgi ýaqytta syrtqy faktorlar eńbek naryǵyna qatty áser etedi. Mysal retinde birneshe faktordy keltirgim keledi. Bizde jumyspen qamtylǵan halyqtyń 15%-ynda tek qana orta bilim bar. Olarǵa jumysqa ornalasý óte qıyn. Túlekterdiń 40%-dan astamy óz mamandyǵy boıynsha jumysqa ornalaspaıdy. Mamandyq tańdaý kezinde túlekterdiń 34%-y mamandyqty ózderi tańdamaıdy. Keıin oqýdy aıaqtaǵan soń, árıne olar jumysqa ornalasa almaıdy. Sondyqtan oqýshy mektepten shyqqan kezde ózine unaǵan JOO-ǵa sanaly túrde túsý úshin kásibı baǵdar berý mańyzdy», - dedi QR Eńbek jáne halyqty áleýmettik qorǵaý vıtse-mınıstri Erjan Birjanov Ortalyq kommýnıkatsııalar qyzmetinde ótken baspasóz máslıhatqa.
Osyǵan baılanysty Eńbek mınıstrligi kolledjder men jumys istep turǵan kásiporyndar bazasynda jappaı qaıta daıarlaıtyn jáne biliktilikti arttyratyn «fabrıkalar» ashýdy josparlap otyr. Mundaı alǵashqy fabrıkalardy jastardyń basym bóligi shoǵyrlanǵan Almaty, Shymkent qalalarynda iske qosý kózdelgen.
«Bul AQSh-tyń jáne basqa da Eýropa men Azııa elderiniń tájirıbesi, daǵdarys kezinde olar halyqty tez mamandyqtarǵa úıretti. ıAǵnı, bul 2-3 jyldyq oqý emes, 2-3 aılyq kýrstar, olar boıynsha daǵdylardy, sertıfıkatty jedel alýǵa jáne naryqqa tez shyǵýǵa bolady», - dep túsindirdi E. Birjanov.