Qazaqstanda elektrondy katalogten satyp alynatyn taýarlar qatary kóbeımek

NUR-SULTAN. QazAqparat – Qazirdiń ózinde «Taýarlardyń elektrondyq katalogi» júıesinde 2 myńnan astam paıdalanýshy tirkelip, 461 myń taýar engizildi. Bul týraly QR Qarjy vıtse-mınıstri Eldar Qazǵanbaev málim etti, dep habarlaıdy QazAqparat tilshisi.

«Taýarlardyń elektrondyq katalogi» jobasynyń engizilgenin jeke atap ótkim keledi. Ondaǵy maqsat - taýarlardyń sıpatyn birizdendirý jáne standarttaý. 2022 jylǵy 1 qańtardan bastap elektrondyq katalog qoldanysqa engizildi jáne jalpyǵa qoljetimdi. Katalog derekterdi toltyrý tártibinde jumys isteıdi», - dedi Eldar Qazǵanbaev Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, 1 shildeden bastap memlekettik satyp alýda taýarlardyń tehnıkalyq erekshelikterin qalyptastyrý fýnktsıonaly iske qosyldy.

«Qazirdiń ózinde katalogten shamamen 16 myńǵa jýyq (15 606) tehnıkalyq erekshelik qalyptastyryldy. Sondaı-aq, búgingi kúni 2000-nan astam paıdalanýshy tirkelip, 461 myń taýar engizildi. Endigi josprar jyl sońyna deıin katalogti taýarlarmen toltyrý jáne elektrondyq kataloginen satyp alynatyn taýarlar tizbesin keńeıtý boıynsha jumysty kúsheıtemiz. Odan bólek, taýarlardy moderatsııalaý protsesi úshin neıro jelilerge negizdelgen mashınalyq oqytý tehnologııalaryn qoldaný jospary bar», - deıdi ol.