Qazaqstanda elektromobılderdi qýattaıtyn stansalar ornatylady

ASTANA. QazAqparat - Qazaqstandyq janar-jaǵarmaı stansalarynda elektromobılderdiń qýat alýyna qajetti núkteler paıda bolady. Bul týraly búgin Ortalyq kommýnıkatsııalar qyzmetinde Qazaqstannyń munaı óńdeý zaýytynyń basqarýshy dırektory Dáýlet Kalehanov málim etti.

«Biz jańa álemde ómir súrip jatyrmyz, sondyqtan Qazaqstan zamanaýı protsesterden qalys qalmaǵany abzal. Máselen, qazirgi ýaqytta elektromobılderdiń tanymaldylyǵy artýda. Biz respýblıkalyq mańyzy bar joldarda ornalasqan janar-jaǵarmaı stansalaryn elektrqýattaýshy núkteler ornatýdy jáne gazben qamtamasyz etýdi josparlaýdamyz», - dedi Dáýlet Kalehanov.

«Bul ıdeıa BAQ-ta kásipkerlerdiń Tesla kóligin oınatyp jatqandyǵy týraly aqparat shyqqannan soń keldi. Elektromobılderdiń qýaty túrli jaǵdaılarda 150-200 shaqyrymǵa jetedi. Kólik ıeleri alys jatqan óńirlerge jolǵa shyǵady, degenmen ony qýattaıtyn oryndar múldem joq. Bastysy, olar jolda qalyp qoımaýlary shart. Qalada endi ondaı máseleni sheshý ońaı ǵoı. Bizdiń marketologtar men menedjerler ony belgili bir stansalarda ornatýdy kózdeýde. Olar kóliktiń qýaty bir stansadan ekinshi stansaǵa jeterlikteı araqashyqtyqta ornalaspaq. Kezeń-kezeńmen júrgiziletin isti osylaı baǵamdap otyrmyz», - deıdi QMÓZ basshysynyń orynbasary Amanaı Mahmetov.

Onyń sózine qaraǵanda, qýattaıtyn stansalardyń ornatylý merzimderi belgilenýde. Sonymen qatar tehnologııalar qaı elden jetkiziletini de áli belgisiz qalyp otyr.

Aıta keteıik, KMÓZ qazaqstandyq 300 janar-jaǵarmaı beketterinen quralǵan respýblıkalyq jeli qurdy.

foto: hi-news.ru