Qazaqstanda elektr energııa tapshylyǵy bolýy múmkin

NUR-SULTAN. QazAqparat – QR Energetıka vıtse-mınıstri Jandos Nurmaǵanbetov Qazaqstanda elektr energııa tapshylyǵy bolýy múmkin ekenin aıtty, dep habarlaıdy QazAqparat tilshisi.

Onyń aıtýynsha, KEGOC kompanııasynyń baǵalaýy boıynsha 2022-2023 jyldardaǵy jylý berý maýsymynda elektr energııasynyń tapshylyǵy 1-1,5 mlrd kVtsaǵ bolmaq.

Mundaı jaǵdaı jylý berý maýsymynda ýaǵdalastyq boıynsha Qyrǵyzstanǵa elektr energııasyn bergen kezde bolýy múmkin. Atalǵan kelisim aıasynda Qyrǵyzstan jaǵy elimizdiń ońtústik óńirlerine sýdy tıisti kólemde jiberedi.

«Aldaǵy qys kezinde de elektr energııasyn berý eskerilgen. Tapshylyq boıynsha KEGOC eseptep shyǵarǵan málimetke qaraǵanda, Qyrǵyzstanǵa energııa jetkizý saqtalsa, onda tıisti tapshylyq kólemin óteý kerek. Bul turǵyda qys kezinde elimizdiń stantsııalarynyń tehnıkalyq jaǵdaıy mańyzdy bolyp tur. Atap aıtqanda, el aýmaǵyn energııamen qamtamasyz etý mınıstrlik pen júıelik operatordyń mindeti. Barlyǵy elektr energııasymen tolyq kólemde qamtamasyz etiletin bolady», - dedi vıtse-mınıstr.