Qazaqstanda «El tiregi – Elbasy» aktsııasy bastaldy
2021 jyl Qazaqstan úshin eleýli mereke – Táýelsizdiktiń 30 jyldyǵymen tuspa-tus keldi.
Áz-Naýryz merekesinde «Halyq» qory azamattyq belsendilik tanytyp, «El tiregi – Elbasy» atty iri naýqanyn qolǵa aldy. Qor COVID-19 pandemııasynyń jáne karantın saldarynan qıyn jaǵdaıǵa tap bolǵan az qamtylǵan, kóp balaly, sondaı-aq múgedek balalary bar otbasylar úshin azyq-túlik jıyntyǵyn satyp aldy.
«Halyq» qaıyrymdylyq qory 15 myńnan astam azyq-túlik sebetin uıymdastyrdy. Ár sebette salmaǵy 50 keliden asatyn azyq-túlik bar. Qazirgi ýaqytta azyq-túlik sebetteri óńirlik ákimdikter usynǵan tizimderge sáıkes elimizdiń barlyq óńirinde otbasylarǵa taratylyp jatyr.
Pandemııanyń alǵashqy kúninen bastap, bul el basyna túken synaq ekeni belgili. Osyndaı qıyn-qystaý shaqta yntymaq pen birliktiń ozyq úlgisin kórsetip, bir-birimizge janashyr boýlymyz kerek.
«Halyq» qaıyrymdylyq qory kásipkerler men qaıyrymdylyq uıymdarynyń ókilderine «El tiregi – Elbasy» aktsııasyn qoldaýǵa shaqyrady. Mundaı aktsııa 2021 jylda birneshe ret uıydastyrylady dep josparlanyp otyr», delingen habarlamada.