Qazaqstanda ekstremızm men terrorızm úshin múlikti tárkileý arqyly jaza kúsheıedi
15:52, 19 Shilde 2016
ASTANA. QazAqparat - Qazaqstanda terrorlyq áreket jasaǵany úshin bas bostandyǵynan aıyrý merzimin uzartý josparlanyp otyr. Sondaı-aq, olardyń múlkin tárkileý tájirıbesi enýi múmkin. Bul týraly búgin Úkimet otyrysynda Ulttyq qaýipsizdik komıtetiniń tóraǵasy Vladımır Jumaqanov málim etti.
Ulttyq qaýipsizdik komıtetiniń tóraǵasy atap ótkendeı, tıisti zań jobasyn arnaıy qurylǵan jumys toby ázirlep shyqqan.
«Bas bostandyǵynan aıyrý merzimin uzartyp, ekstremızm men terrorızm úshin mindetti túrde múlkin tákileý arqyly ekstremıstik jáne terrorlyq sıpattaǵy qylmystar úshin jazany kúsheıtip jatyrmyz», - dedi V.Jumaqanov.
Onyń aıtýynsha, ekstremızm jáne terrorızmmen kúres máseleleri jónindegi keıbir zańnamalyq aktilerge ózgerister men tolyqtyrýlar engizý týraly zań jobasy alty kodeks pen birqatar baǵyttaǵy 18 zańǵa túzetý engizýdi kózdeıdi.