Qazaqstanda ekonomıkany qalpyna keltirý úshin jańa naryqtardy ıgerý kerek –Prezıdent

NUR-SULTAN. QazAqparat – Qazaqstan Prezıdenti Qasym-Jomart Toqaev Twitter-de Sheteldik ınvestorlar keńesinde kóterilgen máseleler týraly pikirin bildirdi, dep habarlaıdy QazAqparat.

«Shıkizattyq emes eksportty damytýǵa arnalǵan Sheteldik ınvestorlar keńesiniń otyrysyn ótkizdim. Ekonomıkany qaıta qalpyna keltirýdi eskere otyryp, tsıfrlyq jáne «jasyl» tehnologııalardy engizýmen, jańa eksport naryqtaryn ıgerýmen jáne kólik áleýetin damytýmen aınalysý qajet»,-dep jazdy Memleket basshysy.

Sondaı-aq Prezıdent Úkimet Keńes músheleriniń synı eskertpeleri men usynystaryn nazarǵa alatynyn jazdy.

Osyǵan deıin Qasym-Jomart Toqaevtyń Sheteldik ınvestorlar keńesiniń 33-shi plenarlyq otyrysyna qatysqanyn jazǵan bolatynbyz.