Qazaqstanda Ekinshi dúnıejúzilik soǵys batyrlaryna arnalǵan portal iske qosyldy
Qazaqstandyq blogerler men qoǵam belsendileri «Máńgilik polk» aktsııasyn onlaın formatta ótkizý úshin portal jasap shyǵardy. Joba ataýy - «Jaýjúrek polk».
Joba avtorlarynyń ishinde «Ulttyq Pikirsaıys Federatsııasynyń» Prezıdenti, «Jaqsy Bolady» YouTube arnasynyń avtory Buharbaı Bolat, tanymal telejúrgizýshi Mahabbat Esen, bloger ıAkov Federov jáne «Ave adicus» YouTube arnasnyń avtory Ashirbek Ádilet.
Joba avtorlary álemdik pandemııaǵa baılanysty aktsııany oflaın formatta ótkizý múmkin emes ekenin eskerip, soǵys batyrlaryna onlaın formatta erekshe qurmet kórsetýdi uıǵardy.
Bul jaı ǵana portal emes — bul ekinshi dúnıejúzilik soǵys batyrlaryna arnalǵan máńgilik estelik albomy. Biz sizdermen birge Bostandyq úshin óz ómirlerin qıǵan, jarqyn bolashaǵymyz úshin qan tókken atalarymyzdyń erlikterin qurmetteýimiz qajet! - dep, joba avtorlarynyń biri Mahabbat Esen óz paraqshasynda jazady.
Sharaǵa qatysý úshin ótinish pen batyry jaıly aqparatty Qaharman1945.kz saıtynda qaldyrý kerek.
Sonymen qatar, joba Qazaqstannyń Ekinshi dúnıejúzilik soǵystaǵy róli men jekelegen qazaqstandyq batyrlardyń jetistikteri týraly baıandaıdy.
Batyrlar qurmetine arnalǵan onlaın sherý 9 mamyr kúni, saǵat 10:00-de jobanyń áleýmettik jelilerdegi paraqshalarynda ótedi.