Qazaqstanda ekinshi AES Ertis boıynda salynýy múmkin

NUR-SULTAN. QazAqparat – Qazaqstanda ekinshi atom elektr stansasy Ertis ózeni boıynda salynýy múmkin. Bul týraly QR Energetıka vıtse-mınıstri Jandos Nurmaǵanbetov aıtty, dep habarlaıdy QazAqparat tilshisi.

«Birinshi stansa qurylysy bastalyp, sátti iske qosylǵan jaǵdaıda «Qazaqstanda qansha atom elektr stansasy bolady?» degen ekinshi suraq týyndaıdy. Bul suraqqa da qatysty talqylaý júrgizilip jatyr. Qazaqstandaǵy ekinshi atom elektr stansasy Ertis boıynda, Kýrchatov qalasy aýdanynda paıda bolýy ábden múmkin. Eger Qazaqstan kómirtegi beıtaraptyǵy jolyn tańdaıtyn bolsa, onda birneshe atom elektr stansasyn salǵannan basqa shyǵar joly joq. Deme, Ertis sózsiz keleshegi bar alań», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.

Buǵan deıin, QR Energetıka mınıstri Bolat Aqsholaqov elimizdegi birinshi atom elektr stansasyn salý úshin Almaty oblysyndaǵy Úlken eldi mekeni tańdap alynǵanyn aıtqan bolatyn.

Foto: ortcom.kz