Qazaqstanda eki jylda 100-den astam dene shynyqtyrý-saýyqtyrý kesheni salyndy
«Qazaqstan Respýblıkasynda dene shynyqtyrý men buqaralyq sportty damytý jónindegi 2020-2025 jyldarǵa arnalǵan Keshendi josparǵa sáıkes, jastardy tárbıeleýge dene shynyqtyrý men sporttyń yqpalyn tıgizý boıynsha mektep jáne stýdentter lıgalaryn Mektep sporty federatsııasymen jáne ulttyq sport stýdentter odaǵymen birlesip ótkizý jónindegi sharalar iske asyrylýda, joǵary oqý oryndary men kolledjderdegi sport klýbtarynyń sany ósýde. Stýdenttik sportty damytý úshin 104 azamattyq JOO-da 23 500-den astam adamdy qamtıtyn 101 sport klýby jáne 721 sport sektsııasy (boks, kúres, voleıbol, basketbol, fýtbol jáne t.b.) jumys isteıdi», - dedi Eraly Toǵjanov depýtattyq saýalǵa bergen jaýabynda.
Onyń aıtýynsha, stýdentterdi sporttyq sabaqtarmen qamtý kórsetkishi shamamen 50%-dy quraıdy.
«2019-2021 jyldary sport ınfraqurylymyn damytýdy qajet etetin eldimekenderde dene shynyqtyrý-saýyqtyrý keshenderin salý josparlanǵan. 2019-2021 jyldary 102 dene shynyqtyrý-saýyqtyrý kesheni salyndy. Barlyq joǵary oqý oryndary men kolledjderde salaýatty ómir saltyn nasıhattaý jáne nashaqorlyqtyń aldyn alý jónindegi sharalar turaqty negizde júrgiziledi», - dep atap ótti Premer-Mınıstrdiń orynbasary.
Sonymen birge, stýdentter arasyndaǵy tárbıe jumysyn kúsheıtý maqsatynda JOO basshylyǵyna birqatar tapsyrmalar júktelgen:
- ulttyq qundylyqtardy dáriptep, tárbıe jumysy boıynsha JOO josparlarynyń mazmunyn jańartý;
- JOO oqý protsesinde rýhanı-adamgershilik tárbıe boıynsha bilim berý modýlderin ázirleý;
- JOO jáne demeýshilik qarajat esebinen stýdenttik ózin-ózi basqarý organdarynyń qyzmetin qarjylyq qoldaýdy qamtamasyz etý;
- kýratorlardyń stýdenttermen ózara is-qımylynyń pármendi mehanızmin ázirleý;
-Dinı ekstremızmniń aldyn alý boıynsha stýdent jastarmen aqparattyq-túsindirý jumystaryn jalǵastyrý.