Qazaqstanda eki jańa mereke paıda bolady
Ashyq NQA portalynda jarııalanǵan Eńbek jáne halyqty áleýmettik qorǵaý mınıstriniń buıryq-jobasyna saı, endi 1 aqpan elimizde Azamattyq avıatsııa qyzmetkerleriniń merekesi bolady.
«Búkil el boıynsha áýejaılarda, avıakompanııalarda jáne «Qazaeronavıgatsııa» ShJQ RMK-de 3 myńnan astam adam jumys isteıdi. Alaıda, búgingi kúni avıatsııalyq qaýipsizdik qyzmetiniń qyzmetkerleri ózderiniń kásibı merekelerin atap ótýge jáne osylaısha mundaı merekeniń bolmaýyna baılanysty kásibı qoǵamdastyqtyń biryńǵaı avıatsııa salasyna jatatyndyǵyn sezinýge múmkindigi joq. Osyǵan baılanysty Qazaqstanda merekelik kúnder tizbesiniń qurylymyna jańa merekelik kún, avıatsııalyq qaýipsizdik qyzmeti qyzmetkerleriniń kúni – 1 aqpan engiziledi», - dep túsindirme berilgen buıryqqa.
Sonymen qatar tıisti qujatpen taǵy bir jańa mereke - Burǵylaýshy kúni bekitilmek. Ol qarashanyń úshinshi senbisinde atalyp ótedi.
«Saladaǵy kásibı deńgeıdiń damýyna úles qosatyn jalpy mamandyqtardyń biri – burǵylaýshy. Bul mamandyq búginde Qazaqstannyń munaı-gaz, taý-ken óndirý, ýran jáne basqa da óndirý sektorlaryndaǵy myńdaǵan adamdardy qamtıdy. Sondyqtan geologtar men munaıshylardyń da, burǵylaýshylardyń da eńbegine qurmet kórsetý, Qazaqstannyń kásibı merekeleriniń tiziminde burǵylaýshylar kúnin atap ótý jáne osyndaı kúrdeli kásip qyzmetkerlerin qurmetteýdiń jańa dástúrin engizý oryndy. Osyǵan baılanysty qarashanyń úshinshi senbisin - Burǵylaýshylar kúni dep belgileý usynylady», - delingen buıryqta.
Qujat 2 qarashaǵa deıin kópshilik talqylaýda bolady.