Qazaqstanda eki birdeı memlekettik járdemaqyny taǵaıyndaý merzimi qysqartylmaq

<p>ASTANA. KAZINFORM &ndash; Qazaqstan Respýblıkasynyń Eńbek jáne halyqty áleýmettik qorǵaý mınıstrligi &laquo;Respýblıkalyq bıýdjet qara jatynan jerleýge bir jolǵy tólemdi taǵaıyndaý jáne júzege asyrý qaǵıdalaryn bekitý týraly&raquo; sondaı-aq &laquo;Múgedektigi boıynsha jáne asyraýshysynan aıyrylý jaǵdaıy boıynsha memlekettik áleýmettik járdemaqylar mólsherin esepteý (aıqyndaý), olardy taǵaıyndaý, tóleý, toqtata turý, qaıta esepteý, qaıta bastaý, toqtatý jáne taǵaıyndaý (taǵaıyndaýdan bas tartý) týraly sheshimdi qaıta qaraý qaǵıdalaryn bekitý týraly&raquo; QR Premer-Mınıstriniń orynbasary - Eńbek jáne halyqty áleýmettik qorǵaý mınıstriniń 257 buıryǵyna ózgerister men tolyqtyrýlar engizý týraly buıryq jobasy ázirlendi.&nbsp;&nbsp;</p>

Atalǵan qujat 14 tamyzǵa deıin «Ashyq» NQA portalyna jarııa talqylaýǵa ornalastyryldy.  

Qujattyń túsindirme jazbasynda pılottyq jobany iske asyrý úshin ázirlengen usynylyp otyrǵan tolyqtyrýlar avtomatty túrde taǵaıyndaý, avtomatty túrde qalyptastyrý, sondaı-aq járdemaqy taǵaıyndaý jónindegi isterdiń elektrondyq maketterin jáne jerleýge arnalǵan birjolǵy tólemdi avtomatty túrde bekitý tártibin kózdeıdi, bul memlekettik qyzmet kórsetý merzimin jeti kúnnen bir jumys kúnine deıin qysqartylatyny jazylǵan. 

«Joba boıynsha qarjy shyǵyndarynyń qajettigi jáne onyń qarjylyq qamtamasyz etilýi, onyń ishinde qarjylandyrý kózi, sondaı-aq qajet bolǵan jaǵdaıda Respýblıkalyq bıýdjet komıssııasynyń sheshimi (tıisti esep-qısaptar, qarjylandyrý kózine silteme, Respýblıkalyq bıýdjet komıssııasy sheshiminiń kóshirmesi mindetti túrde túsindirme jazbaǵa qosa beriledi). Qarjy shyǵyndary talap etilmeıdi», — dep jazylǵan qujattyń túsindirmesinde. 

Buıryq jobasy Qazaqstan Respýblıkasy Eńbek jáne halyqty áleýmettik qorǵaý mınıstrliginiń www.enbek.gov.kz ınternet-resýrsynda jáne ashyq normatıvtik quqyqtyq aktilerdiń ınternet-portalynda ornalastyrylǵan.