Qazaqstanda eGov Mobile kómegimen ınternet jelisin qosatyn qolaıly servıs iske qosyldy

<p>ASTANA. KAZINFORM &mdash; eGov Mobile mobıldi qosymshasynyń kómegimen úı ınternetin qosý múmkindigin beretin jańa servıs qosylmaqshy. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń baspasóz qyzmeti málim etti.&nbsp;</p>

Bul ınnovatsııalyq servıs «Ulttyq aqparattyq tehnologııala» AQ-men birlese ázirlendi jáne azamattarǵa eGov Mobile mobıldi qosymshasy arqyly Internetti qosýǵa ońaı ótinish berýge múmkindik beredi. Ótinish berý protsesi operatorlarǵa avtomatty túrde jiberiledi, sonymen qatar qajetti jelilik ınfraqurylymnyń bolýyn tekserýdi qamtıdy.

«Qazirgi ýaqytta servıske „Qazaqtelekom“ AQ baılanys operatory qosylǵan jáne jaqyn arada qazaqstandyqtarǵa tarıfterdiń barynsha keń tańdaýyn qamtamasyz etý úshin basqa operatorlar da qosylady»,- delingen habarlamada.

Ótinish bergennen keıin ótinish nómiri men márteni baqylaý siltemesi bar SMS joldanady.

Eger úıińizde optıkalyq jeliler bolmasa, operator mamandary balama qosylym optsııalaryn usyný úshin bir saǵat ishinde habarlasady.

Internetti qosý protsesi ár azamat úshin barynsha yńǵaıly jáne qarapaıym boldy. Suraqtar týyndaǵan jaǵdaıda operatordyń baılanys ortalyǵyna habarlasý qajet.