Qazaqstanda E-Shańyraq aqparattyq júıesi engiziledi
Ol barlyq turǵyn úı qatynasyna qatysýshylardyń ózara is-áreketiniń ashyqtyǵyn qamtamasyz etedi. Turǵyn úı-kommýnaldyq sharýashylyq salasyn reformalaý maqsatynda QR Indýstrııa jáne ınfraqurylymdyq damý mınıstrligi «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań jobasyn ázirledi. Zań jobasynyń negizgi jańalyqtarynyń biri - E-Shańyraq dep atalatyn shartty túrdegi ataýmen turǵyn úı qory men TKSh-na aqparattyq júıesin engizý.
«Bul júıeniń tujyrymdamalyq arhıtektýrasy turǵyndardyń, basqarýshy kompanııalardyń, tabıǵı monopolııalar sýbektileriniń, basqarý organdarynyń, jergilikti atqarýshy organdardyń jeke kabınetterin biriktiredi. Osylaısha, E-Shańyraq KQTÚ (kópqabatty turǵyn úıler) basqarý organdarynyń ashyq qyzmetin qamtamasyz etedi, turǵyndar shyǵyndar men kirister boıynsha eseptilikti kóre alady; elektrondy daýys berý arqyly úıdi basqarý jáne ustaý boıynsha sheshim qabyldaı alady. Sondaı-aq, úıge qyzmet kórsetý boıynsha elektrondyq ótinish (shaǵym, habarlama jáne taǵy basqa) bere alady jáne onyń oryndalýyn qadaǵalaı alady. E-Shańyraq alańynda páter ıeleri qandaı da bir sheshim qabyldaý kezinde daýys bere alady, aqsha qarajatynyń túsýi men jumsalýy týraly málimetter alady, basqarý organdarynan ýaqytyly esep alady jáne basqarý organynyń qyzmetin baǵalaı alady» delingen habarlamada.
Óz kezeginde bul júıe kondomınıým obektisin basqarý organdaryna turǵyndardyń barlyq suraqtaryna, shaǵymdary men usynystaryna ýaqtyly jaýap berýge, turǵyndardyń jalpy jınalysyn ótkizbeı elektrondy daýys berýdi ótkizýge, aqsha qarajatynyń túsýi men jumsalýy týraly derekterdi, sondaı-aq toqsandyq jáne qorytyndy esepterdi ornalastyrýǵa, turǵyndardy basqarý organynyń josparlanǵan, ótkiziletin jáne ótkizilgen jumystary týraly habardar etýge múmkindik beredi.
«Óz tarapynan memlekettik organdar sondaı-aq E-Shańyraq júıesinde KQTÚ basqarý organynyń qyzmetine baǵalaý júrgize alady, aqsha túsimderi men shyǵystaryna monıtorıng júrgize alady, josparlanǵan is-sharalar, keńester, dóńgelek ústelder, konferentsııalar týraly basqarý organdaryna habarlaı alady» dep málim etti IIDM baspasóz qyzmeti.
Esterińizge sala keteıik, 19 maýsymda TKSh salasyn reformalaý úshin QR IIDM ázirlegen «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań jobasy Májiliste maquldandy. Zańǵa engizilgen túzetýler Senatta qarastyrylýda.