Qazaqstanda dzıýdodan Azııa chempıonaty bastaldy

NUR-SULTAN. QazAqparat - Dzıýdodan Azııa chempıonatynyń alǵashqy jeńimpazdary belgili boldy, Ábıba Ábýjaqynova - kúmis, Maǵjan Shamshadın men Ǵusman Qyrǵyzbaev qola júldeger atandy. Olardyń qarsylastary - Japonııa men Mońǵolııa sportshylary, dep habarlaıdy QazAqparat Mádenıet jáne sport mınıstrligine silteme jasap.

Qurlyq birinshiliginde tórt kún boıy tatamı sheberleri jeke jáne aralas-komandalyq jarystarda myqtylar anyqtalady. Týrnırge Azııanyń 19 elinen 200-ge jýyq dzıýdoshy qatysady.

Jarystyń ashylý saltanatyna Halyqaralyq dzıýdo federatsııasynyń vıtse-prezıdenti Abıd Ál Anzı keldi. Mádenıet jáne sport mınıstri Dáýren Abaev Halyqaralyq dzıýdo federatsııasynyń vıtse-prezıdenti Abıd Ál Anzımen kezdesip, Qazaqstanda dzıýdo sportynyń máseleleri men damý keleshegin talqylady.

Sondaı-aq, chempıonattyń ashylý rásiminde sóz sóılegen Mádenıet jáne sport vıtse-mınıstri Serik Jarasbaev sport túriniń qazaqstandyq jastar arasynda óte tanymal ekenine toqtaldy.

«Bul kúnderi Qazaqstan elordasy qurlyqtyń eń myqty dzıýdoshylaryn jınady, olar tabandy oıyn úlgisin kórsetip, jankúıerlerge kóterińki kóńil syılaıdy dep kútemiz. Qurlyq týrnıri osy kúnderi dzıýdonyń jaýyngerlik óner retinde elimizde belsendi damyp kele jatqandyǵynyń aıqyn dáleli. Qazaqstandyq myńdaǵan jas sporttyń osy túriniń ádis-tásilderin ıgerýde. Jáne de dzıýdo Qazaqstanda salaýatty ómir saltyn nasıhattaýǵa óz úlesin qosatynyna senimdimin», – dedi Mádenıet jáne sport vıtse-mınıstri Serik Jarasbaev.

Eske sala keteıik, dzıýdodan elimizdiń erler quramasy kelesideı: Maǵjan Shamshadın (60 kg), Baýyrjan Narbaev (60 kg), Ǵusman Qyrǵyzbaev (66 kg), Erlan Serikjanov (73 kg), Danııar Shamshaev (73 kg), Dıdar Hamza (90 kg), Nurlyhan Sharhan (-100 kg), Islam Bozbaev (-100 kg), Ádil Orazbaev (+100 kg).

Qazaqstan áıelder quramasy: Ábıba Ábýjaqynova (48 kg), Ǵalııa Tynbaeva (48 kg), Gaýhar Irmaǵambetova (52 kg), Sevara Nıshanbaeva (57 kg), Móldir Narynova (63 kg), Anastasııa Maıakova (70 kg), Arýna Jangeldına (-78 kg), Kamıla Berlıkash (+78 kg), Nazgúl Maratova (+78 kg).

Azııa chempıonatyna qatysýshylar arasynda olımpıada chempıondary, júldegerler men Álem chempıondary da óner kórsetedi. Atap aıtqanda, Tokıo-2020 Olımpıadasynyń chempıondary - Aaron Ýolf pen Sonıa Akıra, 2020 jylǵy Olımpıadanyń kúmis júldegeri - ıAn ıÝnveı jáne qola júldegeri - Tsend-ochır Tsogtbaatar, Álem chempıondary - Ýmekı Mamı men Kageýra Kokoro, Álem chempıonattarynyń eki dúrkin júldegerleri - Rıýjý Nagaıaama men Kım Von Jın.

Al IJF erejesi boıynsha Azııa chempıonatynyń jeńimpazdary men júldegerlerine olımpıadalyq reıtıngte upaılar qosylady: jeńimpaz - 700 upaı, 2 oryn - 490 upaı jáne 3 oryn - 350 upaı alady.