Qazaqstanda Djeıson Born agenti týraly fılm túsirilýi múmkin

NUR-SULTAN. QazAqparat -Mádenıet jáne sport mınıstri Aqtoty Raıymqulova Qazaqstanda Djeıson Born agenti týraly fılmniń túsirilýi múmkin ekendigin aıtty, dep habarlaıdy QazAqparat tilshisi.

«Búginde Djeıson Born agenti («Tredstoýn» teleserıaly) týraly trılogııanyń prıkvelin Qazaqstanda túsirý múmkindigi týraly NBS Universal-men kelissózder júrip jatyr. Sonymen qatar, elimizge «Universal Pictures» ókilderi men Djeı Fýtlık kelip, «Forsaj» fılminiń epızodtaryna lokatsııany zertteý úshin jáne basqa da baılanystardy talqylady», - dedi mınıstr búgin halyqpen eseptik kezdesýinde.

Kıno salasyndaǵy saıasat týraly aıta kele, statıstıka boıynsha, tek ótken jyly ǵana qazaqstandyq kartınalardy kórýshilerdiń sany 30,5 paıyzǵa artqanyn jetkizdi. Sońǵy on jyl ishinde ulttyq prokatta qazaqstandyq kartınalardyń úlesi 10 esege ósti.

«Osy kóktemniń eleýli oqıǵasy - rejısser Farhat Sharıpovtyń «Trenıng lıchnostnogo rosta» atty qazaqstandyq kartınasy 41-shi Máskeý halyqaralyq kınofestıvalindegi jarqyn jeńisi boldy! Bul álemdegi bedeldi jáne áıgili festıvalderdiń biri. Gran-prıge ıe bolǵan bizdiń qazaqstandyq rejısserimizdi Akıra Kýrasava, Federıko Fellını, Djordj Danelııa, Sergeı Bondarchýk, Krıshtof Zanýssı sııaqty álem rejısserlerimen qatarlas qoıdy», - dedi A. Raıymqulova.