Qazaqstanda Dostyq úıleriniń qurylysy aıaqtaldy

ASTANA. QazAqparat - Qazaqstan halqy Assambleıasy (QHA) jylynyń aıasynda Dostyq úıleriniń qurylysy aıaqtaldy. Bul týraly OKQ-de ótken baspasóz konferentsııasynyń barysynda QHA tóraǵasynyń orynbasary - hatshylyqtyń meńgerýshisi Eraly Toǵjanov habarlady.

«Bıylǵy jyly Qazaqstan boıynsha Dostyq úıleriniń qurylysy aıaqtaldy. Biz Qyzylorda oblysynda boldyq, onda jańa Dostyq úıin kórdik, taıaýda Mańǵystaý oblysynda Dostyq úıi ashyldy, Tarazda Dostyq úıi bar. Batys Qazaqstan oblysynda Dostyq úıiniń qurylysy aıaqtaldy. Búkil Qazaqstan boıynsha bıylǵy jyly nysandardyń qurylysy boıynsha barlyq jumystar aıaqtaldy», - degen málimetterdi keltirdi QHA tóraǵasynyń orynbasary.

Ol Dostyq úıiniń qyzmet etýi aımaqtardyń mádenı-bos ýaqytty ótkizý qyzmetiniń deńgeıin arttyryp, áserli sharalardy ótkizý úshin qajetti jaǵdaılar jasaıtynyn, turǵyndardyń kópshilik sharalar men kontsertterge qatysý múmkindigin arttyratynyn atap ótti.

Tárbıelenýshilerge horeografııa, mýzyka, akterlik sheberlik, ana tili jáne etnomádenıet boıynsha kásibı túrde úıretiletin oqytý kýrstaryn ótkizý josparlanyp otyr.

«Bul aımaqtarda ulttyq saıasatty Dostyq úıleri arqyly iske asyrýǵa baǵyttalǵan arnaıy mekemeler. Jobalardyń aıasynda qaıyrymdylyq aktsııalar ótkizilip, sondaı-aq medıatsııa ortalyqtary qurylady. Biz Qazaqstanda qoǵamdyq kelisim máselelerimen aınalysatyn medıatsııa ortalyqtaryn quryp úlgerdik», - dep túıindedi E.Toǵjanov.