Qazaqstanda devalvatsııaǵa eshqandaı negiz joq — mınıstrlik

<p>ASTANA. KAZINFORM &mdash; Elimizde devalvatsııaǵa eshqandaı negiz joq. Bul týraly Ulttyq ekonomıka vıtse-mınıstri Arman Qasenov málim etti.</p>

Búgin Senattyń jalpy otyrysynan keıin tilshiler 9 tamyzda shetel valıýtasynyń teńgege shaqqandaǵy baǵamy ne sebepti óskenin surady.

«Valıýta turaqty dep aıta alamyn. Árıne, oǵan ártúrli faktorlar áser etýi múmkin. Kez kelgen basqa valıýta sııaqty ol eldiń eksporty men ımportyna táýeldi bolady. Sondyqtan mundaı áserler kezinde baǵam ózgerýi múmkin. Jalpy alǵanda, barshamyz valıýtanyń turaqtylyǵyn kórip otyrmyz, ıaǵnı ulttyq valıýtada depozıtterdiń kiristiligi shetel valıýtasynan áldeqaıda joǵary. Sondyqtan óz basym ulttyq valıýtanyń turaqtylyǵyna senemin», — dedi A. Qasenov.

Onyń aıtýynsha, keıingi úsh jylda BAQ-ta túrli sarapshylar sheteldik valıýta baǵamynyń tym joǵary bolatynyn jarııalap júrdi. Alaıda olardyń osy paıymy is júzinde bolmady.

«Shyn máninde, bizde birazdan beri devalvatsııa bolǵan joq, óıtkeni devalvatsııaǵa ushyraýǵa únemi naqty irgeli negizder baıqalýy tıis. Al qazir mundaı negiz joq. Eksportymyz byltyrǵydan áldeqaıda joǵary. Import tómendedi. Qazir bizde ońtaıly saýda balansy qalyptasty. Sondyqtan qazir bizde devalvatsııaǵa eshqandaı negiz joq», — dedi vıtse-mınıstr.

Jaqynda qor naryǵynda dollar baǵa óskenin jazǵan edik.

Qarjy sarapshysy Rasýl Rysmambetov teńge qunynyń álsireý sebebin túsindirdi.