Qazaqstanda dertine shıpa tabylmaǵan balalar shetelde em alady - mınıstrlik

NUR-SULTAN. QazAqparat – Elde emdeý múmkindigi bolmaǵan jaǵdaıda balalar «Shetelde emdelý» baǵdarlamasy aıasynda em alady. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Balalarǵa onkogematologııalyq kómekti damytýǵa kóp kóńil bólinedi. Qazaqstan Respýblıkasyndaǵy balalarǵa onkogematologııalyq kómekti jetildirý jónindegi 2022-2024 jyldarǵa arnalǵan jol kartasy bekitildi. Jylyna ortasha eseppen 500-600 bala anyqtalady, 33 paıyzy - 3-10 jas aralyǵyndaǵy balalar. Sońǵy bes jyldyń ishinde 284 balaǵa gemopoezdik diń jasýshalaryn transplantattaý júrgizildi», - dedi ol.

Onyń dereginshe, sońǵy jyldary balalardyń 5 jyldyq ómir súrý kórsetkishi 74,6 paıyzǵa deıin ósti. 2025 jylǵa qaraı 76 paıyzǵa deıin ulǵaıtý kútilýde.

«Elde emdeý múmkindigi bolmaǵan jaǵdaıda balalar «Shetelde emdelý» baǵdarlamasy aıasynda em alady», - dedi Ajar Ǵınııat.