Qazaqstanda depozıtterdiń paıyzdyq mólsherlemesi ósedi

NUR-SULTAN. QazAqparat – Elimizde valıýtadaǵy depozıtterdiń paıyzdyq mólsherlemesi ulǵaıady, dep habarlaıdy QazAqparat tilshisi Ulttyq bankke silteme jasap.

Qarjylyq júıeniń turaqtylyǵyn qamtý jónindegi Prezıdenttiń tapsyrmasyn oryndaý úshin qazaqstandyq depozıtterdi kepildendirý qory osyndaı sheshim qabyldap otyr.

11 qańtardan bastap eń joǵarǵy paıyzdyq mólsherleme 3 jáne 6 aılyq merzimdegi depozıtterge qoldanylady. ıAǵnı, jınaqqa qosylatyn mólsherleme 2 paıyzǵa óspek.

Al bir jyldyq merzimdegi depozıtterge 1 paıyzdyq ústemaqy qosylmaq.

Atalǵan shara qysqa merzim ishinde qarjylyq júıeniń turaqtylyǵyn qamtyp, valıýta naryǵyndaǵy spekýlıatsııanyń aldyn almaq.

Aıta keteıik, buǵan deıin QR Qarjy naryǵyn retteý jáne damytý agenttigi Almaty men Taldyqorǵannan basqa Qazaqstannyń búkil óńirinde ekinshi deńgeıdegi bank bólimsheleriniń jumysy qaıta jandanǵanyn habarlaǵan edi.