Qazaqstanda demalys kúnderi úsik júredi
17:07, 29 Qyrkúıek 2023
<p>«Qazgıdromet» RMQ 2023 jyldyń 30 qyrkúıegi men 2 qazan aralyǵyna aýa raıy boljamyn jarııalady. Bul týraly «QazAqparat» agenttigi habarlaıdy. </p>
Sınoptıkterdiń aqparaty boıynsha, jaqyn kúnderi atmosferalyq frontal bólikter respýblıkanyń kóp bóligine jaýyn-shashyn ákeledi; jel kúsheıip, aýa temperatýrasy tómendeıdi.
Almaty jáne Shyǵys Qazaqstan oblystarynyń taýly aýdandarynda jaýyn-shashyn bolady, 1 qazanda Shyǵys Qazaqstan oblysynda jańbyr men qar aralas jańbyr jaýady. Respýblıkanyń batysynda ǵana jaýyn-shashynsyz, jaıly, ashyq kún raıy saqtalady. Eldiń kóp bóliginde túnde jáne tańda tuman túsýi múmkin.
Aýa temperatýrasy respýblıkanyń soltústik bóliginde túnde 0-8, kúndiz 10-23 jyly bolady. Ońtústik shyǵysta túnde 5-15, kúndiz 18-25 gradýsqa deıin ysıdy. Eldiń soltústik-batysy, soltústigi men ortalyǵynda túnde 3 gradýsqa deıin úsik júrýi múmkin.