Qazaqstanda DDSU baǵdarlamasy boıynsha jattyqtyrýshylardyń ekinshi tobyn oqytý bastaldy

NUR-SULTAN. QazAqparat - QR Eńbek jáne halyqty áleýmettik qorǵaý mınıstrligi BUU Balalar qorymen (ıÝNISEF) birlesip, Almatyda CST baǵdarlamasy boıynsha ata-analardy damýynda erekshelikteri bar balalarǵa kútim jasaý daǵdylaryna oqytý úshin jattyqtyrýshylardyń ekinshi tobyn daıyndaýdy bastady, dep habarlaıdy QazAqparat.

14 adamnan turatyn bolashaq jattyqtyrýshylardyń birinshi tobyn oqytý 19-23 shilde aralyǵynda Shymkentte ótti.

Ekinshi topqa Almaty, Nur-Sultan, Atyraý, Aqtóbe, Pavlodar, Qyzylorda, Túrkistan, Taraz jáne Shymkent qalalarynan 21 adam kirdi. Qajetti bilim men daǵdylardy alǵannan keıin olar otbasylarymen birge 40 balamen aınalysady.

Oqý kýrsyna materıaldardy beıimdeý, jattyqtyrýshylardy daıarlaý, mamandar men ata-analardy oqytý kiredi. Damýynda kidirisi bar, onyń ishinde aýtıstik spektrdiń buzylýy baıqalatyn 2-9 jastaǵy balalardy kútip-baǵýmen aınalysatyn adamdar atalǵan baǵdarlamanyń nysanaly toby bolyp tabylady. Alaıda6 oqý baǵdarlamasyn normatıpti balalarǵa da qoldanýǵa bolady.

Kýrstyń maqsaty - ata-ana men balanyń ońtaıly ózara is-qımylyn damytý, olardyń arasyndaǵy qarym-qatynasty nyǵaıtý, birlesken kelisim men ózara qarym-qatynasty damytý, minez-qulyqty basqarý daǵdylaryn jaqsartý, beıimdelý daǵdylaryn damytý jáne otbasy ómirine qatysý arqyly jaǵymsyz minez-qulyqty azaıtý.

Sondaı-aq, joba stresti jaǵdaılardy basqarý daǵdylaryn damytýdy, túıtkilderdi sheshýdi jáne jalpy ata-analardyń ál-aýqatyn jaqsartýdy kózdeıdi.

Esterińizge sala keteıik, CST (CaregiverSkillsTrainingforFamiliesofchildrenwithdevelopmentaldisoders) – bul Dúnıejúzilik densaýlyq saqtaý uıymynyń ata-analarǵa damýy kesh nemese damýy artta qalǵan balalarǵa kútim jasaý daǵdylaryn úıretýge arnalǵan baǵdarlamasy.

Baǵdarlamada minez-qulyqty qoldanbaly taldaý, damý týraly ǵylym, áleýmettik kommýnıkatsııa is-sharalary, oń tárbıe jáne ózine-ózi qyzmet kórsetý ádisteri qaǵıdattary qoldanylady.

Sonymen qatar, baǵdarlamada naqty jaǵdaıda ne isteý kerek, jaqyn bolashaqta qandaı mindetter mejelegen abzal sııaqty eresek tarap pen balanyń ózara árekettesýiniń qadamdyq strategııalary bar.