Qazaqstanda dárigerlerdiń júktemesin azaıtý usynyldy

ASTANA. QazAqparat –QR Parlamenti Májilisiniń áleýmettik-mádenı damý komıtetiniń tóraǵasy Ashat Aımaǵambetov «Jibek Joly» telearnasynyń kóshpeli stýdııasyna bergen suhbatynda otandyq dárigerlerge júkteletin mindetterdi azaıtý kerektigin aıtyp, máseleni sheshýdiń jolyn usyndy, habarlaıdy QazAqparat tilshisi.

«Densaýlyq saqtaý salasynda ortalyqtandyrylǵan aqparattyq júıe bolý kerek. Sol arqyly dáriger qajet aqparatty bir jerden, tez taba qoıady. Sosyn naýqas týraly aqparatty júıege dáriger engizip otyrmaý qajet. Ol úshin medbıkeniń bolǵany jón, al dáriger patsıentpen aınalysýy kerek. Ol úshin medbıkelerdiń sany arttyryp, shtatty keńeıtken jón. Sonymen qatar dárigerlerdiń moınyna artylatyn júktemeni azaıtý kerek. Sáıkesinshe dárigerdiń naýqasty qaraý ýaqyty uzarady», - dedi Ashat Aımaǵambetov suhbat barysynda. https://www.youtube.com/watch?v=71gdEBqlJbQ

Komıtetiniń basshysy keltirgen málimetke sáıkes, MÁMS qory jalpy tólemderdiń 10%-n ǵana teksergen. Sonyń ózinen 52 myńnan astam jalǵan tirkeý anyqtalǵan.

«Ol degenimiz qarjy qarastyrylady, al is júzinde ol qyzmetter kórsetilmegen. Bul jerde másele tarıfke baılanysty. Biz dárigerlerdiń jalaqysyn kóbeıttik. Bul oń sheshim. Ár medıtsınalyq mekeme bólinetin tarıf bar, ony proportsıonaldy túrde kóterý kerek edi. ıAǵnı dárigerlerdiń aılyǵy ósti, al medıtsınalyq tarıf sol kúıinde qaldy. Onyń zardabyn tartatyn qarapaıym halyq, naýqastar. MÁMS júıesinde jalǵan tirkeý nemese kórsetilmegen qyzmet úshin jaýapkershilik qarastyrylǵan. Osy oraıda jaýapkershilikti arttyryp, aıyppul jaǵyn qaıta qaraýymyz kerek. Sol sııaqty tarıfti proportsıonaldy túrde ósirý qajet», - deıdi ol.

Buǵan deıin Ashat Aımaǵambetov otandyq densaýlyq saqtaý salasynda birkelki aqparattyq júıeniń joqtyǵyn aıtqan edi.