Qazaqstanda dári-dármekti jáne balabaqshalarǵa kezekti qadaǵalaý boıynsha jańa tsıfrlyq júıe iske qosylady

<p>Keler jyly Qazaqstanda dári-dármekterdi qadaǵalaý boıynsha aqparattyq júıe men balabaqshaǵa kezekke tirkeýdiń Biryńǵaı derekter bazasy iske qosylady. Úkimette ótken keńeste Premer-Mınıstr Álıhan Smaıylovqa tıisti tsıfrlyq sheshimder tanystyryldy, dep habarlaıdy<a href="https://kaz.inform.kz/" target="_blank" rel="noopener"> Kazinform</a> Úkimettiń baspasóz qyzmetine silteme jasap.<strong>&nbsp;</strong>&nbsp;&nbsp;</p>

Dárilik zattardy qadaǵalaý júıesi birneshe máseleni birden sheshýge yqpal etedi. Atap aıtqanda, medıtsınalyq uıymdarda dárilik zattardy qaıta jazý jáne ótirik esepten shyǵarý múmkindigin joıyp, dárilik zattardyń bólshek saýdadaǵy baǵasyna, qaldyqtaryna jáne jaramdylyq merzimderine monıtorıng júrgizedi.

Tolyq qadaǵalaý maqsatynda ár qorapqa eki ólshemdi biregeı Data Matrix kody qoldanylady. Nátıjesinde respýblıkadaǵy dárilik zattardyń tolyq aınalymyn óndirilgen sátten bastap qoldanysqa deıin onlaın baqylaýǵa múmkindik týady. 

Foto: primeminister.kz

«Júıe dárilik zattardyń kóleńkeli saýdasyn edáýir tómendetedi jáne olardy ortalyqtandyrylǵan satyp alýdy tıimdi josparlaýǵa kómektesedi. Jalpy platformada dári-dármek qoryn tabletka sanyna deıin qadaǵalaýǵa bolady», - dedi Densaýlyq saqtaý vıtse-mınıstri Beıbit Esenbaev.

Sondaı-aq ashyqtyqty arttyrý arqyly yqtımal kontrafaktilik ónimderdi anyqtaýǵa, sondaı-aq dárilik zattardyń bekitilgen bólshek saýda baǵalaryn baqylaýǵa múmkindik týatyny atap ótildi. 

Foto: primeminister.kz

«Jańa júıe el turǵyndaryn kontrafaktilik ónimderden qorǵaıdy. Tutynýshy satyp alǵan dári-dármektiń zańdy ekenine jáne olardyń ómiri men densaýlyǵyna qaýipsiz ekenine esh kúmándanbaýyna bolady», - dep atap ótti Premer-Mınıstrdiń orynbasary Tamara Dúısenova.

Qazir joba pılottyq rejımde júzege asyrylýda. Qadaǵalaý júıesin 2024 jyldyń shildesinen bastap engizý josparlanǵan.

Premer-Mınıstr platformanyń barynsha tıimdi bolýy jáne aýrýhanalar, emhanalar, aýyldyq densaýlyq saqtaý mekemeleri men dárihanalarda qoldanýǵa yńǵaıly bolýy úshin onyń barlyq fýnktsıonaldyǵyn egjeı-tegjeıli pysyqtaýdy tapsyrdy.

Budan bólek, Úkimet basshysyna balabaqshalarǵa kezekke tirkeýdiń Biryńǵaı derekter bazasy tanystyryldy. Ol ata-analarǵa yńǵaıly bolý úshin jáne mektepke deıingi uıymdarda oryndardy bólýdiń tolyq ashyqtyǵyn qamtamasyz etý úshin jasalǵan.

Atap aıtqanda, Egov.kz memlekettik portaly nemese ekinshi deńgeıli bankterdiń mobıldi qosymshalary arqyly balany kezekke qoıý úshin birden 4 balabaqshaǵa deıin tańdap, keıin onlaın rejımde berilgen ótinishtiń mártebesin baqylaýǵa bolady. Mekemelerdiń birinde oryn bola qalǵan jaǵdaıda dereý ata-anaǵa habarlanady. Jalpy balabaqsha tańdaýdan bastap, kelisimshart jasasýǵa deıingi barlyq rásim elektrondy formatta ótedi.

Premer-Mınıstr bul júıe mektepke deıingi uıymdardaǵy qosarlanǵan kezekti jáne sybaılas jemqorlyq táýekelderin joıýǵa baǵyttalýy kerektigin atap ótti.

Atalǵan tsıfrlyq sheshim qazir pılottyq rejımde pysyqtalyp jatyr. Biryńǵaı derekter bazasyn iske qosý 2024 jyldyń qańtaryna josparlanǵan.