Qazaqstanda dári-dármek óndirisi 20 -% ǵa ósti

<p>ASTANA. KAZINFORM &ndash; Birinshi jartyjyldyqtyń qorytyndysy boıynsha Qazaqstanda 87,3 mlrd teńgeniń dárilik zattary óndirildi, bul 2023 jyldyń birinshi jartyjyldyǵymen salystyrǵanda 20,1%-ǵa artyq, dep jazady <a href="https://energyprom.kz/articles-ru/markets-ru/proizvodstvo-lekarstv-v-kazahstane-vyroslo-na-zametnye-20/" target="_blank" rel="noopener">Energyprom.kz.</a></p>

Ónimniń eń kóp úlesi Shymkentke tıesili, 37,6 mlrd teńge jalpy óndirilgen ónimniń 43%-y.

Aldyńǵy qatarǵa Qaraǵandy (21,7 mlrd. teńge, plıýs 72% jyl boıynsha) jáne Almaty (15,3 mlrd. teńge, mınýs 18,7%) oblystary, sondaı-aq Almaty (10,5 mlrd. teńge, mınýs 21, 1%) kirdi.

Otandyq óndiristiń aıtarlyqtaı ósýimen sektordaǵy ımport ta ósti. Máselen, 2024 jyldyń qańtar–mamyr aılarynda Qazaqstan 785,8 mln AQSh dollary somasyna 13,9 myń tonna dári-dármek ımporttady.

TMD elderinen QR-ǵa 65 mln AQSh dollary somasyna 5,2 myń tonna dári-dármek ákelindi. Eń kóp dári-dármekter Reseıden ákelindi, 3,7 myń tonna — bir jyl burynǵyǵa qaraǵanda 49,1% - ǵa kóp. Negizgi jetkizýshilerdiń úshtigine Belarýs pen Ýkraına da kirdi.

TMD-dan tys elderden Qazaqstan 720,8 mıllıon dollarǵa 8,7 myń tonna dári-dármek ákeldi.

Importtaýshy elder:

Qytaı (1,4 myń tonna);

Germanııa (1,2 myń tonna);

Úndistan (1,2 myń tonna);

Frantsııa (632,2 tonna);

Túrkııa (582 tonna).

Bıylǵy jyldyń maýsym aıynyń qorytyndysy boıynsha farmatsevtıkalyq ónim aı saıyn 0,5% - ǵa jáne jyldyq dınamıkada 11,2% - ǵa qymbattady.

Óńirlerdegi aı saıynǵy dınamıka boıynsha baǵanyń eń kóp ósýi Astanada tirkelip, 1,2% boldy. Baǵanyń eń az ósýi Aqmola jáne Abaı oblystarynda tirkeldi, ár oblysta nebári 0,1%. Shymkentte baǵa burynǵy deńgeıde qaldy, Almaty, Atyraý jáne Jetisý oblystarynda baǵanyń 0,1%-ǵa, Túrkistan oblysynda 0,3%-ǵa tómendeýi baıqaldy.

Jyldyq dınamıka boıynsha barlyq óńirlerde farmatsevtıkalyq ónimder qymbattady.

Qymbattaǵan qalalar:

Astana (17,4%);

Shymkent (14,7%);

Pavlodar oblysy (14,6%).

Baǵanyń eń az jyldyq ósimi Mańǵystaý oblysynda tirkeldi: 5,4%-ǵa.