Qazaqstanda charterlik reısterge talap kúsheıdi
«Charterlik reıs týraly kóp suraq túsip jatyr. Buryn charterlik reıster «Qazaeronavınatsııaǵa» usynys jazyp usha beretin, qazir oǵan da talapty kúsheıttik. Endi olar óz erkimen júre almaıdy. QR Indýstrııa jáne ınfraqurylymdyq damý mınıstrligine hat jiberedi. Odan ári sanıtarlyq-epıdemııalyq qyzmetke jolaýshylar sany men azamattyǵy týraly tizim jiberiledi. Ruqsat berilse, sol tizim arqyly ǵana Qazaqstanǵa kire alady», - dedi Q. Óskenbaev Ortalyq kommýnıkatsııalar qyzmetinde ótken brıfıngide.
Onyń aıtýynsha, otandastarymyzdy shetelden qaıtarý máselesimen QR Syrtqy ister mınıstrligi aınalysady.
«Syrtqy ister mınıstrligi qazaqstandyqtardy qaı jerden alyp ketý týraly suranym berse, bizdiń áýe kompanııalary olardy jetkizýge daıyn. Mysaly, erteń Ystanbuldan jáne Delıden tikeleı eki reıs arqyly qazaqstandyqtar keledi», - dedi Qaıyrbek Óskenbaev.
Mınıstrlik málimetine sáıkes, 2020 jyldyń 18 naýryzynan bastap QR Prezıdentiniń tapsyrmasymen Qazaqstannyń 7702 azamaty elge jetkizilgen.
Aıta keteıik, Qazaqstanda 97 halyqaralyq, 45 ishki baǵyttaǵy áýe reısteri toqtap tur.